香港電動車呢幾年愈嚟愈多，無論係返工、接送小朋友定是假日郊遊，都少不免會遇到雨水、灰塵同路面污漬，洗車就成為日常保養之一。
如果你想方便之餘又唔想傷車漆，香港車主一般會喺 「人手洗車」 同 「無接觸自動洗車機」 之間作選擇。以下會比較兩者嘅優缺點，亦會講解純電車喺自動洗車時要開啟或關閉乜嘢功能，確保安全無憂。
人手洗車：洗車屋或汽車美容店嘅專業服務
-
優點：細緻、省時間、對車漆最友善
人手洗車一直都係好多香港人嘅首選，無論係街坊洗車屋定係專業美容店，大部份都可以喺 30 分鐘內搞掂一架私家車。佢嘅好處包括：
- 比較細心：人工處理可以減少刮花車漆，尤其適合深色車、全新車。
- 價錢選擇多：普通洗車平平哋，而最貴嘅套餐（內籠清潔、吸塵、蒸氣消毒等）一般都係 HK$300 左右。
- 可以即時講需求：例如車頭位置特別污糟、隱蔽地方需要重點清洗等，可以即時叫師傅加強處理。
-
缺點：要睇住、要留意場地牌照
第一次幫襯陌生洗車店，車主通常會喺旁邊望一望，避免技師唔小心整甩零件、刮花飾件等等。 另外，洗車屋、油站洗車等場所必須有 《水污染管制條例》牌照。所以大家記得揀合規場地喎。
無接觸自動洗車機（多數設喺油站）
-
優點：快、平、方便、唔怕刮花
無接觸洗車機係靠高壓水柱 + 泡沫做清洗，唔會用刷臂磨擦車身，所以理論上對車漆傷害較少啲嘅。除此之外，仲有以下呢啲benefits:
- 快捷：幾分鐘搞掂。
- 最抵洗：好多油站有加油優惠價。
- 唔使等師傅：車主趕時間嘅話非常啱用。
-
缺點：洗車液質素好睇地點
部分自動洗車機用嘅化學洗車液比較「辣」，長期使用可能令車漆慢慢變啞。建議揀 大品牌油站、評價好嘅洗車機，會比較穩陣。
電動車無接觸自動洗車要注意啲乜？
雖然電動車本身已經有高標準防水測試，但自動洗車期間如唔正確設定車輛，有可能造成安全問題。譬如AION V 喇，呢款喺香港算係相當受歡迎嘅純電 SUV，空間實用、續航唔錯，而且車輛配備嘅智能駕駛輔助系統比較齊全，包括 AEB（自動緊急制動）、AVH（自動駐車）、L2 智能輔助、雨感應雨刷、360 影像等。
呢啲功能平時駕駛好有用，但一去到無接觸自動洗車呢啲環境，就有機會因為高壓水柱、轉動設備或者感應器干擾而誤判，導致跳 P 擋、車輛鎖死唔郁、雨刷突然啟動等問題。
咁自助洗車嗰陣時要注意啲咩呢？
-
洗車前準備
- 收起後視鏡（避免水壓或設備撞到）
- 關閉自動雨刷／雨感功能（否則會狂刮）
- 確保充電口蓋確實鎖緊
- 關閉 AVH、AEB、自動泊車等智能輔助功能
-
進入洗車隧道（輸送帶／滾輪式）
- 將車切換到 N 檔（空檔）
- 扣好安全帶並坐定定（部分車款要求有人坐車先唔會自動鎖車輪）
- 期間避免誤觸檔桿，否則可能跳入 P 檔（泊車），會令車輛被設備拉扯，造成危險。
-
清洗過程注意
- 避免高壓水槍直射充電接口、高壓電線位置或 B 級電壓系統
- 如果有貼膜或鍍膜，事前確認能否承受高壓水柱
總結
對香港 EV 車主嚟講：
- 重視車漆 + 想洗得細緻 → 人手洗車最穩陣！
- 趕時間 + 想平快搞掂 → 無接觸自動洗車最方便！
兩者都適合電動車，只要確保場地合法、安全，並按車款關閉相應功能，洗車基本無問題喇～